Ndryshim i kufijve është një opsion? Deklarohet BE-ja

15:04 | 10 Shtator 2018
Arbresh.info

Zëdhënësja për Politikë të Jashtme dhe Siguri Maja Kocijančič deklaroi sot se BE-ja pret që Serbia dhe Kosova të vazhdojnë dialogun me të njëjtin përkushtim dhe angazhim si më parë, raporton Beta.

E pyetur nëse një ndryshim i kufijve është një opsion për një zgjidhje të përhershme, ajo vuri në dukje se BE ka theksuar shumë qartë parimet e negociatave, transmeton portali arbresh.info.

“BE po punon për një marrëveshje të bazuar në të drejtën ndërkombëtare, e cila do të ishte realiste dhe e pranueshme për të dy palët. Qëllimi është një marrëveshje ligjërisht e detyrueshme që do të zgjidhë të gjitha çështjet e hapura”, shtoi Kocijančiç.

Ajo gjithashtu theksoi se BE-ja ka rritur angazhimin e saj ndaj Ballkanit Perëndimor dhe se dialogu ka hyrë në një fazë të dytë, më dinamike, por që nuk duhet të ketë diskutime për afatet e mundshme./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm